ОПАСНИ МЕДИТАЦИИ

        Се повеќе луѓе во Македонија практикуваат Јога и Трансцендентална медитација. 
        Ова е спротивно на Христијанските погледи на свет, па од тие причини, ви го давам преводот на авторот Douglas Groothuis, на тема: 

„Што има лошо во постигнување на повисок степен на свест преку медитација?“

Изложените на стрес Американци се повеќе се свртуваат кон различните форми на Источна медитација, особено јога, во потрага по релаксација и духовност. Сепак, треба да сте свесни дека основата на овие медитативни практики претставува гледиште, кое е во конфликт со библиските погледи на свет, иако многу (неинформирани) Христијани практикуваат јога.

Многу Источна религии учат дека изворот на спасението се наоѓа во самиот човек, и дека основниот човеков проблем не е гревот против Светиот Бог, туку незнаењето за нашата вистинска состојба. Овие гледишта се залагаат за медитација и "повисоки форми на свеста", како начин да се откријат тајните на божјата природа, која во себе ја носиме.

Јогата, длабоко вкоренета во Хиндуизмот, во суштина значи да се биде "впрегнат" со божественото. Јога држењето на телото, дишењето и кажувањето мантри не биле оригинално дизајнирани за да придонесат кон подобро физичко здравје и благосостојба, туку чувство на единство со BRAHMAN-хинду збор за апсолутното суштество, кое е вткаено во сите нешта.

 Ова се нарекува ПАНТЕИЗАМ (се’ претставува божество),  и не е Христијански поглед на светот.

Трансценденталната медитација (ТМ) е прикриена форма на Хинду јога, и покрај тоа што тврди дека е религиозно неутрален начин на релаксација и подмладување. Лицата кои посетуваат часови по ТМ добиваат мантра (Хинду свети збор) што ја повторуваат додека седат во јога пози и започнуваат со јога дишење. Целта е да го најдат Бога, во себе, бидејќи Бог (Brahman) и селфот – самиот човек (Atman) всушност се сметаат за едно исто суштество.

Постојат разлики во различните форми на источна медитација, но сите тие се однесуваат на наводно "повисоки" или "изменети" состојби на свеста. Водичите по медитација тврдат дека нормалната свест ја заматува светата реалност. Затоа, медитација се практикува со цел да ги суспендира рационалните модели на мислата.

Ова помага да се објасни зошто толку многу Источни мистици тврдат дека божествената реалност е сосема надвор од зборовите, мислите и личноста на човекот. Со цел да се најде "просветлување", човек мора да ги исклучи своите критички капацитети на размислување-нешто што Библијата Вели никогаш  да не го правиме (Римјаните 12:1-2, 1 Петар 5:8, 1 Солунјаните 5:6). Всушност, суспендирањето на нашите критички капацитети на размислување преку медитација ја отвора душата за измама, па дури и за духовното ропство.

Библискиот поглед на светот е целосно во спротивност со Пантеистичкиот концепт, кој произлегува од Источната медитација. Ние не сме едно/еднакви со безличното апсолутно суштество, кое се нарекува "Бог". Напротив, со прифаќање на таквиот поглед на свет, поради нашата "вистинска морална вина", како што вели Френсис Шефер, ние се отуѓуваме од Вистинскиот Бог, Кој е Личност.

Човек може да кажува мантри, да практикува јога дишење, визуелизација, физички искривен поглед на светот – колку сака, ама ништо од сето тоа нема да го отстрани гревот, поточно гревовите што сме ги направиле, и кои нè одвојуваат од Бога, Господарот на Космосот, без разлика колку "пацифистички“  да ни изгледаат. Освен тоа, потсетете се дека апостолот Павле нè предупреди дека "самиот ѓавол се преправа во ангел на светлината" (2 Кор. 11:14).  Па така, тие "пријатни" духовни искуства можат да бидат портали за опасност. Дури и наставниците по јога предупредуваат дека јогата може да отвори нечија човечка душа за влез на духовни и физички опасности/болести.

Одговорот на нашите животни проблеми не се наоѓа во практикување на некои "повисоки нивоа на свесност" (кои всушност претставуваат заблудена состојба на умот), туку во верата во Исус Христос, преку Кој добивме состојби на благосостојба, надвор од секое човечко резонирање. Ако за човекот беше можно да најде просветлување во самиот себе, Бог не би го Испратил "Својот Единороден Син" (Јован 3:16) да умре на крстот за нашите гревови, со цел да ни даде нов живот и надеж за вечноста преку Христовото воскресение. Ние самите не можеме да се воскреснеме кога ќе умреме.

Библискиот концепт на молитва укажува дека е возможно и неопходно да постои рационална и значајна врска помеѓу Бога и луѓето. Во Христијанскиот поглед на свет никаде не постои охрабрување да се исклучи рационалното расудување, па дури ни кога верникот се моли во духот, односно со посредување на Светиот Дух (Римјаните 8:26).

Исто така, Христијаните не треба бесмислено да повторуваат зборови за  да предизвикаат состојба на транс (Матеј 6:7).

Значи, по сето ова горе изложено, драги пријатели, а посебно вие кои се сметате за Христијани - пораката е јасна, - ПОЛОЖЕТЕ ЈА СЕТА ВАША ВЕРА, НАДЕЖИ И ОЧЕКУВАЊА ВО НАШИОТ ПРЕКРАСЕН СПАСИТЕЛ, ГОСПОД ИСУС ХРИСТОС!
Тој Самиот ни Порача да го бараме најпрвин Царството Божјо, а потоа и ни Вети дека СЕ ДРУГО ЌЕ НИ БИДЕ ДАДЕНО!



Референтни Библиски стихови:

Римјаните 12:1-2:  1 Затоа ве молам, браќа, заради Божјата милост, да ги принесете вашите тела во жива, света и угодна жртва на Бога, тоа да биде ваша разумна служба. 2 Немојте да се прилагодувате со овој свет; туку, преобразувајте се преку обновувањето на вашиот ум, за да можете да ја дознаете која е добрата, угодна, и совршена Божја волја.

1 Петар 5:8 Бидете трезвени и бдејте: вашиот противник, ѓаволот, обиколува како лав што рика, барајќи некого да го проголта.

1 Солунјаните 5:6 И така, да не спиеме како другите, туку да бдееме и да бидеме трезвени.

2 Коринтјаните 11:14  И не е чудно, зашто самиот сатана се преправа во ангел на светлината.

Јован 3:16 Зашто Бог толку го возљуби светот, што Го даде Својот Единороден Син, та секој, кој верува во Него, да не загине, туку да има вечен живот.

Римјаните 8:26: Исто така и Духот и помага на нашата слабост, зашто ние не знаеме за што да се молиме, како што треба: но Самиот Дух посредува за нас со неискажливи воздишки.

Матеј 6:7: А кога се молите, не употребувајте напразни повторувања како народите; зашто мислат дека ќе бидат послушани, заради многуте зборови.

Матеј 6:31-34  И така не грижете се, велејќи: „Што ќе јадеме?“ или „Што ќе пиеме?“ или „Што ќе облечеме?“ 32 Зашто сето тоа го бараат народите, зашто вашиот небесен Татко Знае дека ви е потребно сето ова. 33 Но, барајте го првин Царството Божјо  и Неговата правда и сето тоа ќе ви се додаде. 34 И така, не грижете се за утрешниот ден, зашто утрешниот ден ќе се грижи за себеси. Доста му е на секој ден неговото зло.“

Напиша: Douglas Groothuis / 1 Ноември 2004 година

Оригинален линк:

http://www.christianitytoday.com/ct/2004/november/10.78.html