Важно за христијаните (и за оние кои не се)!
ЗА ВОЗНЕСЕНИЕТО НА ХРИСТИЈАНИТЕ (RAPTURE OF THE CHURCH)
Драги мои, jас отсекогаш имав интерес да дознаам повеќе за сопствената иднина и за иднината на моето семејство (а
кој не?!); Од цела литература што ја имам прочитано, верувајте дека ниту една книга
не ја открива иднината толку добро како Библијата. Всушност тоа е еден
единствен Документ, кој се покажал како точен извор на податоци и информации,
без оглед на обидите на поединци и организирани групации низ вековите да се
минимизира нејзината важност и
точност. Библијата дава преглед на настаните кои веќе се одиграле и на
оние кои допрва треба да се случат. Таа навлегува илјадници и повеќе години
нанапред во иднината, ако гледаме од овој момент на постоење на човештвото и
цивилизацијата. И само Библијата, од сите можни свети книги на останатите
религии дава податоци за иднината. Во една книга прочитав дека во таа Книга се
содржани над 2.000 пророштва, од кои ¾ веќе се оствариле. Зарем се сомневате
дека останатите ¼ од пророштвата ќе се остварат? Јас НЕ СЕ СОМНЕВАМ!
Во
овој текст сакам да ви го задржам вниманието токму на овој временски период
во кој сега живееме и што вели Библијата за настаните кои треба набрзо да се
одиграат на светската сцена. Она што го дознав е толку важно, што ќе ризикувам
да ме наречете со секакви погрдни имиња, поради неверојатноста на она што ќе ви го изложам, но ќе ризикувам; Ќе ве информирам, со цел да ја знаете вистината и да го направите
вистинскиот избор што е можно побрзо.
Се прашувате зошто? Одговорот е, - Затоа што се чувствувам како да пронајдов Огромно Богатство, кое, колку
повеќе го делам со другите, - толку поголемо ми станува. Зарем вие не би го
направиле истото? Но да не должам со воведот и со споредбите толку
многу...
Ова
подолу е хронолошки ред на 14 клучни настани, кои ќе се случат на
човештвото во иднина, според последната Книга од Новиот Завет „Откровение“. Тоа се настани, кои Исус Христос Лично
му ги Открил на апостолот Јован, додека тој бил во заробеништво на островот
Патмос во Грција.
Еве ги:
1-Црквата е повикана и
предупредена да се покае, да се одврати од гревот и да го подготви патот за
Доаѓањето на нашиот Господ Исус Христос. (Ова е содржано во поглавјата од 1 -3)
Ова е прв хронолошки
редослед на настаните.
Овде Господ Исус
Христос и’ се Открива на црквата, а потоа се Осврнува повеќе на наградата што
ги чека оние што ќе издржат до крај.
Пораката овде се
однесува пред се’ на црквата (на индивидуално ниво и на целото Христово тело),
но ова е воедно и експлицитна порака и предупредување за целиот свет.
Црквата, односно
Христијаните треба да бидат светилка која на светот треба да му ја покажува
вистината; Затоа самата црква треба да практикува покајание, праведност, светост,
да чекори во вистина и потполно предавање на Господ Исус Христос.
Ова е повик од Исус,
кој се однесува за секое човечко суштество на земјата.
2. На црквата и’ е
прикажан (откриен) видот на обожување што се случува на небото (пред престолот
на Семоќниот Бог):
Бидејќи ова е прифатлива форма на обожување на Господа,
обожување во вистина и во дух, треба на ист начин да се одвива и сега, на
земјата. (Ова е содржано во поглавјето бр. 4. Воедно, од ова поглавје понатаму,
веќе воопшто не се споменува Црквата! Можно значење: предупредувањата упатени
кон Црквата престануваат и оној кој не го стврднал своето срце за пораката на
спасот преку покајание и вера во Господ Исус Христос, може да очекува во било
кое време да се случи, т.е да земе учество во настанот „Вознесение“)
3. Отворање на
свитокот со печатите . (Ова е содржано во поглавјето бр. 5. Настаните поврзани
со отварањето на печатите веќе се случуваат некое време...).
4. Почеток на
породилните болки.
(Ова е содржано во поглавјето бр. 6. Ова е всушност периодот
на време во кој сега се наоѓаме; Ова е време на „знаци“ чија цел е да ја
„разбудат заспаната Црква“ и жителите на земјата, за да бидат прочистени, во
ова време непосредно пред Доаѓањето на Господ Исус Христос. Ова „прочистување“
се однесува за мудрите верници, т.е. оние кои имаат страв од Господа; Паралела
за ова време наоѓаме и во Книгата на пророк Даниел 12:9-10, каде што пишува:
„Тој рече: „Оди Даниеле, овие зборови се тајна и запечатени се до времето на
свршетокот, зашто многумина ќе испитуваат и знаењето ќе се намножи.Мнозина ќе
се очистат, ќе обелат и ќе се испитаат; а безбожниците и натаму ќе бидат
безбожни; безбожниците нема да се вразумат, а умните ќе разберат.“
Антихристот е веќе
тука, на политичката сцена, се чека само неговото откривање, откога Христовата
Невеста ќе биде отстранета; Има војни; глад и глобална финансиска криза; нови
смртоносни болести...
5. Отстранување
(вознесување) на Христовата невеста.
(Ова е содржано во поглавјето бр. 7.
Самото „отстранување на Христовата Невеста значи „чин на раѓање“, т.е.
престанок на неволјите за Отстранетите Христијани, и воедно почеток на засилени
неволји за оние што ќе бидат оставени на земјата. За неверниците, припадниците
на други вери и за тнр. „млаки Христијани“ ова ќе биде почеток на најстрашните
неволји, какви што човештвото воопшто дотогаш не искусило.
Вознесението на
Христијаните е следниот настан во ланецот на настани, со кој ќе завршат тнр.
„Породилните болки на човештвото“ (кои ќе се случуваат се до отварањето на
6тиот печат). Во овој момент, тоа се уште не се случило, но тоа е следниот
настан според Хронолошки ред во Откровението.
6. Период на
најголемите неволји
(Ова е содржано во поглавјата од 8-14. Ќе се случат неволји
при звукот на трубите на седумте ангели. Секоја труба ќе означува страшна
неволја. Потоа ќе следат уште пострашните неволји при излевањето на седумте
садови на Божјиот гнев. Некои од клучните настани во овој период се:
издигнувањето на Новиот Светски Поредок со Антихристот и лажниот пророк на
чело, задолжителното жигосување на луѓето со жигот на ѕверот (РФИД чипот)
прогонот т.е. буквалниот колеж на Христијаните кои претходно биле млаки, и кои
се свесни дека не смеат да го земат жигот, што ќе ги доведе до тоа, порадо да
го изгубат животот, отколку да го примат „жигот“ на ѕверот / ѓаволот.
Истовремено е опишано
што се случува на небото со тнр. „првина на плодовите“, 144.000 свети луѓе кои
се меѓу отстранетите во настанот Вознесение)
7. Жетва на Земјата
(Ова е содржано во поглавјето бр. 14, конкретно во стиховите 14 – 16, каде е
опишана „жетвата на Христијаните, кои претходно биле „млаки“, но се вразумиле
во текот на неволјите; Тоа се оние верници, кои ќе бидат „пожнеани“ во текот на
Најголемите неволји лично од Господ Исус Христос, односно ќе бидат земени на
Небото и ќе им се придружат на оние 144.000, засметани како „првина на
плодовите“ и другите претходно земени светии на Господ Исус Христос. Откога ќе
влезат на Небото, тие потоа ќе се радуваат и ќе го слават Господа, како што тоа
е опишано во глава 15, стихови 1-4.
Но, следи уште една
„жетва“! Имено, во стиховите од 18-20 е опишана „жетвата“ на непокајаните
грешни луѓе, кои ќе бидат „изгазени во кацата на Божјиот гнев“.
8. Излевање на Седумте Садови на
Божјиот Гнев (седумте последни неволји со кои се завршува Божјиот Гнев)
(Поглавја од 15-18).
За жал, непокајаните
луѓе, и покрај она што дотогаш го виделе и доживеале како излевање на Божјиот
гнев, - и понатаму ќе останат непокајани, ќе вршат идолопоклонство, убиства и
секакви други гревови! Аналогно на тоа, ќе бидат засилени и останатите неволји
со излевањето на 7 садови на Божјиот гнев.
За време на излевањето
на последниот - седмиот Божји сад на гневот ќе се случи и падот на Големиот
Вавилон, т.е. Вавилонскиот систем на антихристот, лажниот пророк и големиот
град од каде што ќе оперира Новиот Светски Поредок и едната светска религија.
9. Свадбената Вечера
на Јагнето на Небото (Ова е содржано во поглавјето 19) Овде е прикажана
Веселбата на Светиите на Господ Исус Христос назначени како Христова Невеста и
САмиот Исус, како Младоженец! Прекрасен и величествен настан - копнеж на
Христијаните низ вековите!!!
10. Битката кај
Армагедон (Ова е содржано во поглавјето 19, иако подготовките за оваа битка се
случуваат додека се истураат седумте садови на Божјиот гнев од поглавјето 16)
11. Прво воскресение
на праведните. Почеток на Милениумот (Поглавје 20)
12. Фрлањето на
сатаната во Огненото езеро како негова вечна судбина
(Ова е содржано во
поглавјето 20, стих 10)
13. Судењето пред
Големиот Бел Трон, каде што ќе бидат отворени книгите и ќе им се суди на
умрените, кои биле неправедни (Ова е содржано во поглавјето 20, стихови 11-15,
како и во Откровение 21:8 и Откровение 22:15)
14. Новиот Ерусалим и
вечноста (вечно наследство во Царството на Семоќниот Бог на Небото). (Ова е
содржано во поглавјата 21, стихови 2-4 и стиховите 21-27 и 22 глава)
Посебно сакам да ви
го задржам вниманието на настанот од
точка 5 и околностите пред и по неговото случување!
Настанот кој го споменувам, во Библијата се нарекува Вознесување (земање,
издигнување во воздухот) на Христовата Црква –настан кога Исус лично ќе ги
повика неговите искрени верници и физички ќе ги отстрани од планетата Земја, за
да ги спаси од катаклизмичните настани кои следуваат веднаш по тој настан.
Потсмешливо
се насмеавте? Можеби ова ви звучи неверојатно и фантастично, и веројатно
добивате желба да се исклучите од текстот од овој блог, но ве уверувам дека
откога тој настан ќе се случи (а ќе се случи, бидејќи Бог не лаже и се што
досега Кажал, тоа и се остварило) и тоа како ќе посакате да се навратите на
овој документ и да го дочитате до крај.
Во текстов користам цитати од Библиски стихови, па ако имате Библија –
отворете ја за да ги најдете посочените цитати. Ако немате Библија – тогаш еве
ви линк на интернет:
http://obohu.cz/bible/index.php?styl=MAC&k=R&kap=1
Значи
продолжете со читањето... и сериозно размислете за посветување на сопствениот
живот на Исус, ако веќе не сте го направиле тоа досега. Сакам да ви потенцирам
дека се имам молено длабоко и искрено за спасот на вашата душа, и ќе го правам
тоа се до денот кога овој настан ќе се случи. Но мојата молитва не е доволна -
ми треба ваша соработка.
Можеби
си велите – „па јас верувам дека Бог постои“ или „има нешто, некоја енергија,
која постои вон времето и просторот“ или нешто друго..и толку! Тоа не е
доволно. Таквото размислување нема да ве спаси од пеколот. Бог не е „шамивче во
џепот“ по кое посегнувате да си ги избришите солзите, кога ќе ве притеснат
некои тешки болести, неволји и кога ќе треба да се соочите со смртта, за
потоа, кога работите ќе се средат, пак да го пикнете во џебот и да го
заборавите. Бог со право бара да ни е на ПРВО место во животот, и во добро и во
зло.
Колку што Рајот е прекрасно место, подготвено
од Бога токму за човекот, уште од создавањето на светот, каде што нема да има
болест, тага, ниту смрт, туку прекрасна вечност и живот во присуство на Бог, за
кое апостолот Павле вели: (I Коринтјаните 2: 9 туку, како
што е напишано: „Што окото не виде, што увото не чу, што во човечкото срце не
дојде, тоа Бог го приготви за оние, кои Го љубат.”) – толку Пеколот напротив, е исто толку
реален, но дијаметрално спротивен од она што е Рајот. Изолација, темнина,
ужасна смрдеа, вечен оган, - место каде што луѓето ќе бидат измачувани
постојано од демони. Тука, исто така, не постои смрт, во смисла на престанување
на постоење, згаснување на сите сетила, туку би било поточно да се каже, - тоа
е место на постојано умирање. Па така, пеколот претставува
вечно страдање на човечките души, од кое никогаш нема да има излез. Секоја секунда-ужасна вечност.
Изборот е ваш, каде ќе ја потрошите вашата вечност. Во овој текст ќе можете да
прочитате како можете да направите избор за Исус Христос, а со тоа и за небото
(Рајот). Ве молам направете го тоа сега, затоа што ако умрете пред тој чин на
прифаќање на Спасителот Исус, ќе биде премногу доцна, бидејќи никогаш не знаете
кога ви е последниот момент овде на Земјата. Луѓе умираат постојано на
планетава. Ве молам, не чекајте ни една секунда, бидејќи животот овде на
Земјата е привремен, а вечноста е она што е важно. Вашето тело умира тука на
оваа земја, а душата живее вечно. Но, ВИЕ избирате: каде!
Да се вратам на
настанот! За оние што ќе останат на земјата после Вознесувањето, она што е
напишано овде ќе биде еден вид ПРИРАЧНИК ЗА ПРЕЖИВУВАЊЕ. И во тие ужасни околности
кои ќе следат, се уште имате можност да се покаете и да имате вечен живот со
Бог. Единствената разлика е што ќе поминете малку време вкусувајќи го
„пеколот“, додека сте останати на Земјата.
Дозволете ми да ви
кажам искрено: Ако оставете да го читате ова писмо кога настанот веќе се
случил, тогаш веројатно нема физички да успеете да се спасите; веројатно ќе
умрете многу набрзо. Овој
текст е всушност, еден вид прирачник за преживување на вашата душа.
Ќе поминете низ
ужасни маки, прашањето е само дали ќе одите во Рајот или во Пеколот.
БИБЛИСКА ОСНОВА ЗА НАСТАНОТ
Во текстот подолу ви давам цитати од
Библијата, кои упатуваат на Вознесувањето (физичкото отстранување) на
Христовата Црква:
(1
Солунјаните. 4:16-18) 16 "Зашто Самиот Господ на заповед, при глас
на архангел и при Божја труба, ќе слезе од небото и мртвите во Христа ќе
воскреснат прво. 17 Потоа
ние живите, ние кои останавме, ќе бидеме грабнати заедно со нив на облаците, во
воздух, во пресрет на Господа; и така засекогаш ќе бидеме со Господа.
18 Затоа, утешувајте се еден друг со овие
зборови."
(1
Коринтјаните 15: 51-52).
„Внимавајте, ви
кажувам тајна. Нема сите да умреме, но ќе се измениме, во еден момент, во миг
на окото, при звукот на последната труба. Бидејќи трубата ќе засвири и мртвите
ќе воскреснат нераспадливи, а ние ќе се измениме“
(Јован 14:
2-3) „2 Во Домот на
Мојот Татко има многу живеалишта; ако не беше така, Јас ќе ви кажев, зашто одам
да ви приготвам место.
3 И кога ќе отидам и ви приготвам место,
пак ќе дојдам и ќе ве земам при Себе, за да бидете и вие каде што Сум и Јас.“
(Исаија 26: 19-21)
Твоите мртви ќе оживеат, телата ќе воскреснат.
Разбудете се и воскликнувајте, жители на правот! Зашто Твојата роса е - роса на
светлината, и земјата ќе ги исфрли мртвите. Ајде, народе Мој, влези во собите и затвори ги
вратите зад себе. Скриј се за миг додека не помине гневот. Зашто, ете, Господ ќе излезе, од Своето Живеалиште, за да ги казни земните
жители дека згрешија кон Него. Земјата ќе ја исфрли сета крв што е пролеана на
неа и не ќе ги крие веќе оние кои беа убиени на неа.
НАСТАНИ И
ОКОЛНОСТИ ПРЕД НАСТАНОТ
Во времето кога е
пишуван овој текст, и за времето што преостанува до крајот, единствен збор што
ја карактеризира состојбата во светот е промената.
Сите овие промени се направени од Сатаната, бидејќи тој не може да толерира
ништо, што потекнува од Божјите творби.
На почетокот, кога
Бог го Создал светот, Тој Изјавил дека создаденото било „добро“. Тоа значи дека
било совршено и никакви промени не биле потребни. Во Неговата креација биле вклучени
и Стандардите според кои требало да се живее.
Овие стандарди
вклучувале сè, од тоа, како да ги живееме нашите приватни животи, да имаме
добри семејни односи, дури и како да ја уредиме нашата заедница. Но, сатаната
сака да смени сè што Господ го создал и востановил, така
што ја искористил својата моќ и влијание во светот за да направи суптилни
девијации во Божјиот план. Целта на Сатаната е да направи Нов светски поредок,
воден од неговиот штитеник (светскиот диктатор, во Библијата познат како антихрист), кој ќе го посвети
своето време и труд да промени сè, за да биде во спротивност на Божјата волја
како што е изразена во Библијата. Ова е предвидено во Книгата на Даниел: 7:25 Тој
ќе хули на Сèвишниот, ќе ги сотрува Светите на Сèвишниот; ќе помислува да ги
измени времињата и Законот, и Светите ќе бидат предадени во негови раце за едно
време и за две времиња и за половина време.
ПРОМЕНИ ВО
ПОЛИТИЧКАТА СОСТОЈБА
Во политичката средина денес не постои ефективно лидерство во светот. На секој народ му недостигаат силни и компетентни
лидери кои можат да се справат со проблемите дома и во светот. САД, кои
се светски лидер во последните 50 години, постојано го губат своето влијание кај другите народи, бидејќи политичките лидери во САД,
немаат моралност за да го насочат правилно процесот на
донесување одлуки. Сепак, овој морален пад на владата и
владините лидери не е само во САД, туку
и во Европа, Јужна Америка, Азија и целиот свет. Поради овој раководствен вакуум во светот, сега постои можност да се појави човек, кој ќе изгледа многу харизматичен, силен, и привлечен за луѓето од сите нации. Врз основа на пророштвата во Библијата таков човек ќе се појави, и тој ќе биде успешен во обединување на различните нации во светот, предложувајќи единствен светски
политички и религиозен систем, кој со задоволство ќе биде прифатен од
речиси сите луѓе во светот. Со тоа, тој ќе добие можност успешно да завладее
како омилен лидер, за набрзо потоа да го покаже своето вистинско лице како
крволочен тиранин и диктатор.
Неговата вистинска природа ќе ја насетат оние Христијани кои кои биле
предупредени за тоа, но не поверувале на Библиската вистина... и заради тоа не
се нашле меѓу оние кои Исус ги отстранил од Земјата за да не ги доживеат
предстојните неволји.
Тенденцијата
за обединување на светот под една влада е активна од
почетокот на 1950, а во последните неколку години ова стана поголема реалност, откога многу народи го пренесоа својот суверенитет на Обединетите нации
за време на вооружената интервенции при конфликтите (на пример, во Кувајт, Сомалија, Босна). Во овие
конфликти, народите ширум светот учествуваат
со војска и механизација,
согласувајќи се да се користи знамето на Обединетите Нации.
Соединетите Американски Држави во вакви ситуации му го предадоа својот суверенитет на многу послаби земји, дозволувајќи притоа нивната армија да биде контролирана од страна на овие народи. Во прилог на овие воени дејствија, народите од светот, исто така, се согласија да ги контролираат трговските и трудовите практики со меѓународни договори, како NAFTA и GATT.
Не постои доминантна нација која би обезбедила водство во светот, така што е поставена основата за издигување на човек кој ќе произлезе од народите, за да го обедини светот.
Притоа, Организацијата на Обединетите Нации со целата своја моќна машинерија
(војска, пари, воена опрема) ќе
биде во служба на овој
светски диктатор.
ПРОМЕНИ ВО СОЦИЈАЛНАТА СОСТОЈБА
Основната клетка на општеството, тој елемент кој
отсекогаш бил одговорен за општествениот ред и мир е семејството, а тоа сега е практично
уништено. Семејството, тоа се мажот, неговата сопруга и
нивните деца. Низ вековите,
мажот се грижел за жената и
децата, жената ги чувала и
воспитувала децата, а децата ги слушале своите родители. Постарите возрасни лица во семејствата ги сметале другите возрасни лица одговорни за
своите постапки, а така ги поучувале и децата. Според
долго-важечките законски практики, семејството било заедница на маж и жена и нивните
потомци, засновано на брак.
Сега
веќе не е така. Денес, сè повеќе земји
во светот бракот го дефинираат
како заедница на лица од ист
или различен пол.
Библијата кажува дека бракот е институција востановена од Бог, и токму затоа е омразена од сатаната. Ѓаволот работел многу напорно, пред сè, преку комуникациските медиуми како телевизијата, филмовите, новинарите
известувачи и забавната
индустрија во глобала да ги убеди жените дека бракот е штетен за нивната слобода и достигнувања во животот. Сатаната ги заблудил жените во верувањата дека тие имаат иста сексуална желба како
и мажите, и дека сите разлики се резултат на културата. Сатаната напорно работел за да ги подели мажите и жените и да ги завојува едни со други, па поради тоа,
насилството меѓу мажите и жените (поточно, мажите над жените) е драматично зголемено.
Граѓанската војна е постојана тема на ова време и
немирите ќе продолжат се до
крајот на светот: мажи против
жени, црни против бели, Муслимани против Евреи, Католици против Протестанти, Муслимани против
Христијани, една муслиманска фракција наспроти друга муслиманска фракција, едно црно Африканско племе наспроти друго црно Африканско племе, нација против нација, народ
против народ.
Што
и да е тоа, што ги дели луѓето во различни групи, сатаната
го користи за да иницира омраза, раздор и насилство.
Хомосексуалноста, педофилијата, проституцијата, легализацијата на дрогите и
сите видови на перверзно однесување се
прифаќаат како нормални.
Светскиот диктатор (антихристот) нема да има
нормална сексуална привлечност кон жените и можеби ќе се
воздржува од секс, или пак ќе биде отворено хомосексуален, како што тоа е наведено во Библијата, во книгата на Даниел 11:37: "и тој
ќе не покажува почит кон боговите на татковците свои, или кон желбите на жените".
Можеби
по настанот Вознесување на Христијаните, бракот ќе биде непожелен или нелегален, а хомосексуалните и лезбејските односи ќе бидат отворено поддржувани.
ЕКОНОМСКА СОСТОЈБА
На економска сцена, постои тренд на осиромаштување на голем дел од народните маси, со богатство концентрирано во рацете на
многу мал број луѓе. Овие контролори на богатството ќе бидат кралеви на трговијата и на банкарството и веројатно ќе бидат власт зад политиката во светот.
Малите бизниси ќе се спојат во поголеми компании, а големите компании ќе се спојат меѓусебно за да го зголемат профитот. Резултатот ќе бидат огромни мулти-национални компании, кои ќе немаат лојалност кон било која заедница, држава, нација
или народ, кои единствено ќе се залагаат да се зголеми профитот за управување и
акционерските влогови. Како резултат од тоа, ќе има работници, кои ќе бидат малку повеќе од селани и претседатели на компании кои се повеќе и повеќе ќе наликуваат на кралеви. Токму овие "кралеви" ќе го протежираат издигнувањето на светскиот диктатор, за да го заштитат своето богатство и моќ. Очекувајте сета трговија, купување и продавање да бидат контролирани преку жигот / белегот на десната рака или челото на секој
човек, кој сака да учествува
во економијата. Само оние со жигот ќе бидат во можност да купуваат и продаваат, но последицата од прифаќањето
на жигот е вечно проклетство (Откровение 14:9-11).
Затоа не земајте го
жигот. Ќе ви биде многу тешко да преживеете, и веројатно
нема, но ќе си ја спасите душата. Повторно ви кажувам, не земајте го белегот на својата десна рака или на челото.
ПРОМЕНИ ВО
ГЕОФИЗИЧКАТА СОСТОЈБА
Во Евангелието по Матеј, глава 24, Исус им зборувал на своите ученици
и им прорекол за еден од знаците на крајот на времето во овој свет „...како што
беше во времето на Ное, така ќе биде и доаѓањето на Синот Човечки“. Во Книгата
на Постанокот (Прва Мојсева Книга) читаме дека во времето на Ное „земјата била
исполета со насилство“.
Зарем со овие Исусови
зборови не го препознавате времето во кое сега живееме? Постои не само
насилството што човек му го нанесува на човека, - војни од светски размери,
граѓански војни, силувања, разни чинови на бруталност, убиства, абортуси и
други слични форми на насилство, - туку и насилство (катаклизмични настани) на
самата Планета Земја. Сведоци сме на се поголем број на земјотреси, вулкани,
урагани, торнада, поплави, суши, олујни бури и необични атмосферски појави.
Сите тие постоеле и во минатото, но во изминативе 50 години, бројот и
интензитетот на овие појави и штетите врз домаќинствата поврзани со природните
катастрофи е драстично зголемен. Напоредно со зголемувањето на нивото на
насилство што човечките суштества си го нанесуваат едни на други, се зголемува
и насилната реакција на Земјата.
Спомнете си само
колку катаклизмична беше 2011 година за Јапонија.
ЗНАЦИ НА
ВРЕМЕТО
Во Евангелието
по Матеј, глава 24, Исус уште
ги кажал и следните предвидувања за знаците, кои ќе укажуваат на крајот на овој
свет:
- Војни и гласови за војни;
- Народ ќе завојува против
народ. Многу е интересно
да се забележи дека Грчкиот збор преведен како народ е „ethnos“, кој имплицира и на етничка
позадина и раса. Повеќето од војните и конфликтите во 80тите и 90тите се
војни помеѓу етнички групи и племиња;
- Ќе се подигне кралство
против кралство;
- Глад;
- Помор - Ова е една страна на Facebook, креирана во 2016 година, која има за цел да ја подогне свесноста кај луѓето за масовниот помор на животните, како уште еден од знаците за Крајот на светот, како што е предвидено во Библијата - https://www.facebook.com/End-Times-Mass-Animal-Deaths-961789087230946/;
- Земјотреси, кои ќе бидат
како „породилни болки кај жена“. Како што ќе се доближува времето на
Неговото Второ Доаѓање, зачестеноста и интензитетот на овие 5 знаци ќе се
зголемува;
- Вулкани и пожари, чијшто дим како столб ќе се издигнува до небото;
- Астрономски феномени, како знаци на небото; (Побарајте на интернет информации за серијата од 4 крвави месечини почнувајќи од април 2014 па се до септември 2015 година, кои се совпаѓаат на Еврејски празници! Точно во средината помеѓу овие затемнувања на месечината, имаше и затемнување на сонцето на 20 март 2015 година! Ваков феномен нема повторно да се случи во наредните 500 години);
- Христовите следбеници ќе
бидат предавани, за да бидат прогонувани и убивани. Ова веќе се случува со се
поголема фреквенција во Исламските земји на Средниот Исток и во Африка,
каде што црномурестите Муслимани ги поробуваат црномурестите Христијани. Хамас, Боко Харам, ИСИС и останати радикални исламистички организации го тероризираат населението насекаде низ светот! Еден таков настан се случи во јануари 2015, во Франција! Тероризмот на исламистите дојде и на Европско тло!
- Христијаните ќе бидат
омрзени од сите народи, поради Неговото име. Во многу делови од светот,
Христијаните се затворани и убивани заради нивните верувања; Во САД, оние
кои се Христијани се омразени од медиумите и либералите, и се попознати
под кодираното име „религиозни права“. Сега, кога претседателот Обама е на
власт, работите стануваат уште потешки, - тој отворено застанува во
одбрана на Муслиманите, и самиот притоа изјаснувајќи се за Муслиман; За колежот на Христијаните во Блиско Источните земји и да не зборуваме!
- Многумина ќе отпаднат...
што значи, многумина, кои тврделе дека се Христијани, ќе се откажат од
нивната вера (ќе станат атеисти или ќе се откажат од Христијанската вера), ќе започнат да ги предаваат и мразат Христијаните; Веќе
отпаѓаат и морално...
- Ќе се издигнат многу лажни
пророци и ќе излажат многумина;
- Заради бројните беззаконија
и неморално однесување, љубовта кај многумина ќе се олади. Медиумите се
преполни со известувања за ладнокрвни и брутални убиства, човек кон човек,
луѓе кон животните...
ЗА НАСТАНОТ –
ИСЧЕЗНУВАЊЕ НА ЛУЃЕТО, т.е. ВОЗНЕСУВАЊЕТО НА ХРИСТИЈАНИТЕ
Овој настан нема да
биде таен. Концептот на вознесувањето им е веќе најавен на народите. Тој ќе
биде третиран со потсмев, неодобруван и предмет на шегување од светските
медиуми, но Господ ќе се погрижи тој настан да биде многу публикуван и јавно
дискутиран пред да се случи, така што оние кои ќе бидат оставени (на земјата)
да можат да се „опаметат“. Ќе се случи на отворено и сите што ќе бидат оставени
ќе познаваат некого кого ненадејно го снемало. На англиски, за овој настан се
употребува терминот Rapture, така што ако разбирате англиски на
интернет може да најдете многу литература и видеа на Youtube за ова.
Настанот ќе се случи
ненедејно, неочекувано, брзо како молња - „во миг на окото“, како што тоа
е наведено во Библијата. И ќе има докази насекаде низ светот дека тој настан
навистина се случил. Некои национални лидери ќе исчезнат, познати личности од
забавниот живот, од спортот ќе исчезнат, цели семејства ќе исчезнат, брачни
партнери кои не веруваат ќе видат како нивните сопружници исчезнуваат, многу
деца ќе исчезнат. Банковни сметки, домови, возила, цели бизниси, приватни
врски - ќе бидат оставени. На светските лидери ќе им се јави како
проблем како да ги убедат луѓето дека тој настан не се случил. Затоа што, ако
светските лидери признаат дека тој настан се случил, тогаш, логично,
сè што Христијаните најавувале за Исус Христос – дека е Божјиот Син,
Спасителот, Месијата, Принцот на Мирот, Господарот на Господарите, Кралот на
Кралевите и сè за што Исус проповедал и учел, - мора да е вистина. А ако сето
тоа е вистина, тогаш единствен логичен одговор би бил да се падне на колена
пред Господ Исус Христос и Тој да да биде признаен како личен Спасител, со
покајание и апсолутна покорност кон секој Божји Збор (како што е откриено во
Библијата). Но сето ова е спротивно на она што се случува во светот, кој
промовира слобода во поглед на ограничувањата, заповедани од Божјиот Збор,
перверзен секс, материјализам и потценување на вредноста на човечкиот живот. Па
така, иако за вознесувањето ќе биде известено и коментирано во медиумите и ќе
ги шокира сите, светските лидери ќе ја започнат нивната голема измама,
обидувајќи се да ја убедат популацијата што останала дека тој настан воопшто не се случил.
Како тоа ќе
биде изведено?
Па многу лесно,
бидејќи многумина од оние што ќе останат веќе се во состојба на
измама. Тие се излажани да веруваат дека Исус не е Месијата; Излажани се да
веруваат дека Божјиот Збор не е вистинит; Излажани се да водат живот, кој
единствено им носи постојана болка и тага, наместо Слободата и Рајот кои ги
нуди Господ. Светските лидери ќе кажуваат изговори од типот: дека вознесувањето
не се случило, дека се случила некоја масовна хистерија, поединци веројатно ќе
тврдат дека вонземјаните ги киднапирале луѓето, а веројатно и медиумите (кои ќе
бидат контролирани од Антихристот) ќе застанат зад таквите тврдења. Сето тоа
набрзо ќе биде полесно прифатено, бидејќи речиси веднаш по тој настан, околу ¼
од светската популација ќе биде уништена како резултат на ужасна серија од
апокалиптични катаклизмични настани, а потоа и од војни, глад и болести. Оние
кои биле вознесени ќе бидат сметани за умрени.
Која е целта на Вознесението?
Целта на Вознесението
(грабнувањето) на Христовите следбеници (Црквата) на Небото е тие да бидат
поштедени од Големите Неволји, кои ќе настанат како казна од Бога за грешното
човештво и од диктатурата на антихристот (за оние кои ќе останат на земјата).
Што ќе се
случи по вознесението?
Штом Христовите
верници бидат вознесени и засолнети во небесната татковина, ќе се случат многу
интересни настани:
На земјата ќе настане еден
исклучително тежок период, за кој Библијата вели дека ќе биде време на страдања
какви што не постоеле од постанокот на човештвото дотогаш. Изворите на
страдањата се двојни:
- Човештвото ќе доживее Божја казна, заради тоа што го отфрлило Бог. Зборови користени во Библијата за да се опише ова време
се: Гнев Божји, Суд, Казна, Час на искушение, Страдања Јаковови... А „алатките“
со кои ќе се служи Господ за да ги казни луѓето, кои останале на земјата се: глад, војни, масовни
умирања, затруени води, жарење на сонцето, болести, рани по лицето и телото (за
тие што ќе го земат жигот на ѕверот)... (Откровение: 6 - 16 глава)
- На
земјата ќе се издигне личност, која ќе го заведе целиот свет како добронамерна
и харизматична личност, зад чиј лик ќе се крие всушност антихристот. Тој ќе владее со светот со апсолутна економска,
политичка и верска диктатура во период од 7 години (3,5 + 3,5 години, односно 2
х 42 месеца). Тој ќе се претставува како Бог и ќе бара сите луѓе да му се
покорат и да се поклонат на неговата слика. (Откровение 13: 5-9,
16, 17)
На небото ќе се одвиваат два
процеса:
1) Процес на
поединечно вреднување на делата на сите
верници, при што Судијата ќе биде Исус Христос лично! Затоа тој Суд во
Библијата се нарекува „Христов Суд“
2 Коринтјаните 5:10 зашто сите ние треба да се појавиме пред Христовиот суд, и секој да прими
според она што направил во своето тело, било добро или зло.)
Римјаните 14: 10, 12 10 .. Зашто,
сите ќе застанеме пред Христовиот судски престол, И така, секој од нас ќе
одговара пред Бога за себе.
2) Прослава, која
уште се нарекува „Свадбана Јагнето“
- Јагнето е Исус
Христос (Јован 1:29, 1
Коринтјаните 5:7, Откровение 5:6,12, 7:14, 14:4, 15:3 и др).
- Невестата е Црквата
или Христовите верници (Ефесјаните 5:
23-27, 32, 2 Коринтјаните 11:2 и др.), кои ќе бидат земени /
отстранети од Земјата, за да не ги доживеат Големите Страдања
Што ако вие не сте меѓу земените?
Ако сте оставени, односно не сте меѓу оние подготвени Христијани, кои го
очекувале Неговото доаѓање, тоа значи дека не сте биле подготвени за Небото. Во
тој момент, може да се чувствувате отфрлени од Бога. Може да си речете во себе:
"Зошто не сум и јас меѓу земените?" Или "Ништо не разбирам. Па
јас водев добар живот, зарем не? Бев добра личност и верував дека Бог постои,
нели?!"
Проблемот не е во тоа
дека Бог вe oтфрлил, туку проблемот е во тоа што вие
Него сте Го отфрлиле. Со тоа што не сте го посветиле вашиот живот на Исус и
одбивајќи да го следите Него, не сте Му оставиле друг избор освен да Тој да ве
е остави вас.
Луѓето секогаш сакаат да го обвинуваат Бога за нивните лоши избори. Ако сте
оставени, тоа е ваша вина, а не на Бог. Бог на сите им има кажувано дека
овој ден доаѓа. Вие само избравте да не го слушнете тоа. Погледнете околу себе,
пораката е, односно ви била насекаде. (Библијата, филмови за крајот на светот,
„знаци на земјата и на небото“, како војни, земјотреси, вулкани, свлечишта,
бунтови меѓу народите, постојано нови болести, но и соништа и визии за
вознесувањето, кои Бог им ги има дадено на многу луѓе, па дури и на мали деца,
кои тие ги објавувле на интернет). Вие немаше да го пропуштите овој настан, ако
сте се обиделе. Бог е милостив и милосрден. Тој нема да го направи овој настан
ненајавен, за да фати некого на изненадување. Тој ни има давано предупредувања
на сите и шанса за промена, преку покајување.
Mатеј 7:21
”Не секој, што Ми
вели: ‘Господи, Господи!’ ќе влезе во царството небесно, а оној, кој ја врши
волјата на Мојот Татко, Кој е во небесата.“
Mатеј 12:50
„зашто, кој ја врши
волјата на Мојот Татко, Кој е во небесата, тој Ми е брат, и сестра, и мајка.”
Исаија 1:18 „И сега
дојдете, да бидеме прави, говори Господ. Ако ви бидат гревовите како црвено
сукно, ќе бидат бели како снег; ако бидат румени како пурпур, ќе станат како
волна..”
Има ли уште надеж за мене?
Доколку го читате овој текст, откога настанот вознесување се
случил, може да слушнете како луѓето велат, "Затоа што сме
го пропуштиле вознесението, ние сме изгубени
засекогаш." Таа претпоставка е сосема погрешна! Единствениот
начин на кој може засекогаш да сте изгубени е да го земете жигот
на ѕверот на десната рака или челото. Никогаш не
заборавајте дека, се додека сте живи, дишете, може да се
стекнете со спасение преку целосното предавање на Исус Христос
како ваш Спасител.
Јован 6:37 Сè што
Таткото Ми дава ќе дојде при Мене, а оној кој доаѓа при Мене нема да го
исфрлам;“
Матеј 11:28 ”Дојдете
при Мене сите, кои се трудите и сте обременети, и Јас ќе ви дадам одмор.“
Јован 1:12 А на
сите кои Го примија (Исус Христос), им даде власт да станат Божји деца, на оние
кои веруваат во Неговото име.“
Според Книгата
Откровение (во Новиот Завет) огромен број на луѓе ќе ја спасат својата душа за
време на тешките страдања. Тие попрво ќе дозволат да бидат убиени, отколку да
се откажат од Исус Христос. (Во цитатот подолу, изразот „Јагне“ се користи
за Исус, кој го жртвувал својот живот за спас на целото човештво, за секој кој
ќе поверува дека Тој е навистина Божјиот Син.)
Откровение 7:9 Потоа видов, и ете: големо
множество народ - што никој не можеше да го изброи - од сите народности и
племиња и народи и јазици, како стојат пред престолот и пред Јагнето, облечени
во бели облеки, со палмини гранчиња во своите раце,“
Откровение 7:14 А јас му реков :
„Господине мој, ти знаеш!” И ми рече: „Тоа се оние, кои доаѓаат од голема
неволја, кои ги испраа облеките свои и ги избелија во крвта на Јагнето.”
Зошто ви е потребен Исус Христос да ви биде Спасител?
За да ви биде дозволено да поминете низ Рајската порта, треба
претходно да сте ги отстраниле сите ваши гревови. Единствениот препарат
за чистење во овој универзум, кој е доволно силен
за темелно да ги отстрани дамките на гревот е Крвта
на Исус Христос. Прво, признајте ја вашата
грешна состојба. Потоа, побарајте Исус да ви
ги прости вашите гревови. Конечно, повикајте Го
Господ Исус Христос да стане Господар на вашиот
живот, со тоа што својата волја ќе Му ја препуштите Нему во
потполност. Замолете Го Исус да дојде во вашето
срце и да ви ги прости вашите гревови (на крајот на
ова писмо ќе најдете молитва за спасение, со
која ќе можете гласно да Му се молите на Господа, искрено и
од срце).
Со тоа
што умре на крстот, Исус направи да е возможно за секој од
нас да добие целосно помилување од
казната на вечно проклетство. Причината што толку
малку луѓе го прифаќаат ова помилување е што мислат
дека не им треба Спасител или што сакаат да најдат свој
начин на спасение.
Кога Бог Погледнал во твојата
душа, Тој Видел грешник. Бог е Судија на твоето
срце, твоите мисли, твојот став и намери. Бог Гледа во
оној дел од нас, кој не се гледа со голо
око. Кога ќе бидете спасени преку покајување и со тоа
ви бидат простени вашите гревови, Бог ќе ве Погледне
пак и ќе ја Види Крвта на Исус, која ве
исчистила. Само Крвта на Исус може да ги
исчисти гревовите, а тоа го добивате ако Го замолите Исус да ве
Измие од гревовите со Неговата
Скапоцена крв, преку вера дека Тој толку те Засакал што умре наместо тебе. Доколку Крвта на Исус не ви ги исчисти гревовите нема да сте достојни да застанете во присуство на Семоќниот Бог и да влезете во Рајот. Откако Исус Христос ве покрил со Неговата
Крв, Бог ве прифаќа вас, како едно од Неговите деца.
Значи,
знајте дека Бог е Тој Кој ги земал сите
Негови деца директно на небото, преку чинот на вознесувањето. Не
верувајте во никаква друга лага што ќе ја пласираат медиумите.
Доколку
не сте го прифатиле Исус Христос како свој Господ
и Спасител, тоа е причината што сеуште сте тука. Исус
Христос е единствениот Пат.
Матеј 16:24 Тогаш
Исус им рече на Своите ученици: „Ако некој сака да врви по Мене, нека се одрече
од себеси и нека го подигне својот крст и нека Ме следи.
25 Зашто, кој
сака да ја спаси својата душа, ќе ја изгуби; но кој ќе ја изгуби својата душа
заради Мене, ќе ја најде.
26 Зашто, каква
полза ќе има човек ако го придобие целиот свет, а на својата душа и напакости?
Или што ќе даде човек во замена за својата душа?
Римјаните 10:9,10 „Зашто,
ако со твојата уста исповедаш, дека Исус е Господ и ако во твоето срце
поверуваш, дека Бог Го воскреснал од мртвите, ќе бидеш спасен.
10 Зашто со
срцето се верува за праведност, а со устата се исповедува за спасение,“
Јован 3: 16 Зашто
Бог толку го возљуби светот, што Го даде Својот Единороден Син, та секој, кој
верува во Него, да не загине, туку да има вечен живот.
Промена на
вашата насока
По прифаќањето на Исус како Господар
на вашиот живот, ќе треба да го промените
правецот на вашиот
живот. Откако сфативте дека се движевте
во погрешна насока, единствената опција што има смисла е да
се завртите во друг правец и да почнете да се движете
во вистинската насока.
Не
може само да кажете неколку зборови, а потоа да
си продолжите со вашиот живот, како и порано. Треба целосно да
се посветите на Исус Христос, преку читање на Неговите
зборови и преку следење на Неговите примери на
свет живот. Најдете си Библија. Замолете Го да
ви помогне и да ве води.
Матеј 7:13, 14 ”Влезете низ
тесната врата, зашто широка е вратата и простран е патот, што водат кон
пропаст, и мнозина се, кои влегуваат низ неа. Зашто тесна е
вратата и тесен е патот, што водат во живот, и малцина се кои го наоѓаат.”
Ќе
има силна заблуда
Претпоставувам дека веднаш по вознесението, секоја црква на
земјата ќе биде преполна. Луѓето ќе бараат одговори од своите пастори
и ќе откријат дека се оставени заради тоа што го ставиле Бог настрана
од својот живот. Во настанатата ситуација на страв, загриженост и вознемиреност
меѓу луѓето, многу е веројатно дека ќе се појават луѓе, кои ќе нудат спас преку
верата во некој друг лажен месија.
Исус прорекол дека лажни пророци ќе се
појават со "големи знаци и чуда" за да ги измамат
луѓето и за да поверуваат во лагите на сатаната. Не верувајте!
Матеј
24: 24 зашто ќе се појават лажни христоси и
лажни пророци, па ќе прават големи знаци и чуда, за да ги заблудат, ако е
можно, и избраните.
За повеќе
информации во врска со тој период на страдање и тешки маки разгледајте го
Откровението и поглавјата 6, 8, 9 и 16. Во текот на 7те
години, познати во Библијата како време на големи страдања, ќе се
издигне светскиот лидер - кого Библијата го
нарекува антихрист. (Сега сме во времето на „породилни болки“ на
човештвото, но набрзо ќе започнат вистинските неволји). На прв поглед, тој
ќе изгледа како еден од најдобрите и
најдобронамерни лидери кои воопшто ја имале таа функцијата. Тој ќе
добива поддршка од личност, која Библијата ја посочува како Лажниот Пророк и
уште еден свој соработник, кого Библијата го нарекува ѕверот! Тоа е Сатанското
тројство, кое ќе го имитира Божјото Тројство: Отецот, Синот и Светиот Дух.
Настанот вознесување ќе се случи на почетокот на 7 годишните
страдања, кога вистинскиот карактер на антихристот набрзо
ќе се покаже во право светло. Лагите на антихристот, на лажниот
пророк и медиумите, кои од нив ќе бидат контролирани ќе бидат
толку нападни, што вашиот единствен извор на вистина
ќе мора исклучиво да доаѓа од Библијата. Тој ќе се
претставува како Бог и ќе бара целото човештво да му се поклонува нему и на
неговата икона, да го обожува и да го слуша.
Даниел 9:27 „И ќе
склучи сојуз со мнозина за една седмица: а во половината на седмицата ќе
прекрати жртвата и приносот: на врвот на Храмот ќе биде грозноста на
запустувањето сè до свршетокот, додека одреденото запустување не падне врз
запустувачот.”
Да се
издржи до крај
Откога тешки страдања ќе започнат по издигнувањето на Антихристот,
најверојатно ќе сакате да се обидете да се скриете
некаде далеку и да не излезете се додека тие
години не завршат. Ќе има нуклеарна војна, земјотреси, луњи,
урагани и масовно уништување на човечки животи.
Дополнително непријатна вест
е што, повеќето од вас, неподготвените Христијани најверојатно, ќе треба
да изберат мачеништво и страдање, ако сакате да се одржи
вашата посветеност на Исус Христос. Нема да има неутрален
терен. Додека трае времето на најголемите страдања, ќе треба да
изберете меѓу двајца господари - антихристот или Исус
Христос.
Вашата
одлука да го следите Исус нема да
биде популарна. Мнозинството од населението
во светот наскоро ќе паднат под заложништво
на хипнотичките зборови на
антихристот. Бидејќи вистинските верници ќе одбијат да се
приклучат на хорот на пофалби, антихристот ќе
бара сите христијани, кои не му се покориле да бидат убиени –
поточно заклани!
Откровение 13: 7 И му се
даде да завојува против светите и да ги победи, и му се даде власт над секое
племе и народ и јазик и народност. И ќе му се
поклонат сите, кои живеат на земјата, чии имиња не се запишани во Книгата на
Животот на Јагнето, заклано од создавањето на светот. Кој има уво,
нека чуе. Кој води во
ропство, и самиот ќе биде одведен во ропство; кој убива со меч, и самиот треба
да загине од меч. Тука е трпението и верата на светите.
Откровение 6: 9-11 И кога
го отвори петтиот печат, ги видов под жртвеникот душите на закланите заради
Божјото слово и заради сведоштвото што го имаа. И извикаа со
силен глас, велејќи: „До кога, свет и вистински Господару нема да судиш и да ја
одмаздиш нашата крв над оние, кои живеат на земјата?”И на секого од
нив му беше дадена бела облека и им беше речено да починат уште малку време,
додека не биде исполнет бројот на нивните сослужители и браќа, кои ќе бидат
убиени како и тие.
На
прв поглед, може да изгледа прилично лесно во тајност да
бидете следбеник на Исус Христос.
За
жал, многу наскоро Антихристот ќе бара секој да
добие жиг на неговата или нејзината десна
рака или челото.
Јас
имам читано за многу толкувања што би можело да биде знакот или жигот на
ѕверот, но најверојатно ми е толкувањето дека тоа е електронски имплант. Овој
електронски имплант, односно чип ќе биде средство со
кое сите ќе купуваат и продаваат стоки и
услуги. Ако го немате овој имплант, тоа ќе стане сосема
очигледно. МНОГУ Е СТРАШНО ШТО ОВА ВЕЌЕ ПОЧНУВА ДА СЕ СЛУЧУВА ВО СВЕТОТ.
Пребарувајте низ интернет со оваа кратенка RFID- (Radio
Frequency Identification device)…и уверете се сами! А штом веќе ова почнало да
се случува, тогаш и избавувањето на Христијаните (вознесението) ќе се случи
многу брзо.
Откровение 13: 16,17 И
направи сите - мали и големи, богати и сиромашни, слободни и робови - да им се
даде ознака на десната рака или на челото, и никој да не
може ниту да купи ниту да продаде, освен оној, кој има ознака: името на Ѕверот
или бројот на неговото име.
Затоа
што Библијата вели дека секој кој ќе прифати да му биде ставен
овој имплант (жигот на ѕверот) ќе биде изгубен засекогаш, -од
срце ве советувам да ја одбиете понудата кога
владата ќе ве информира дека вашиот имплант
е подготвен за вметнување. Ако сепак го примите овој
„жиг“, знајте дека сте ја проколнале вашата душа за вечност во
пеколот. Ако не го примите, ќе бидете веројатно
убиени и обезглавени, но ќе дојдете директно во
Прегратките на Исус.
Откровение 14: 11 И димот
од нивното измачување ќе се издига во вечни векови, и не ќе имаат починка, ни
дење ни ноќе, оние кои му се поклонуваат на Ѕверот и на неговиот лик, и кој ја
прима ознаката на неговото име.”
Откровение 13: 18 Тука е
мудроста. Кој има ум нека го пресмета бројот на Ѕверот, зашто е број на човек.
а неговиот број е: шестотини шеесет и шест.
Во прогонствата кои
предстојат, најверојатно ќе се соочите со некои од
најголемите искушенија, кои христијаните воопште морале да
ги доживеат. Колку долго ќе морате да издржите? Од
времето кога антихристот ќе се прогласи себеси за Бог,
ќе
останат само 1.260 дена (или 3,5 години) додека Христос се
врати на земјата.
Даниел: 7:25 Тој
ќе хули на Сèвишниот, ќе ги сотрува Светите на Сèвишниот; ќе помислува да ги
измени времињата и Законот, и Светите ќе бидат предадени во негови раце
за едно време и за две времиња и за половина време.
Даниел 12:7 Го
чув човекот облечен во ленена облека, кој стоеше над водите на реката; тој ги
подигна кон небото десницата и левицата колнејќи се во вечно Живиот. „По едно
време, по две времиња и по половина време - кога ќе дојде крајот на распад на
силите на светиот народ - сè тоа ќе сврши.”
Откровение: 12:14 На
жената пак и ги дадоа двете крила на големиот орел, за да одлета во пустината
на своето место, каде е хранета за едно време, и две времиња, и време ипол,
настрана од лицето на змијата.
(Овој
последен стих од Даниел значи дека оставените Христијани, претставени како
Жената, ќе треба да живеат притаено 1260 денови или 3,5 години,
откако ќе започне прогонот, - се до Денот на Конечната пресметка, кога Исус ќе
дојде да се пресмета со Антихристот и неговите следбеници).
Како
што ќе поминува времето и ужасите низ кои ќе мине човештвото за време на
најголемите страдањата, вашата желба да Го
видите Христос ќе станува се посилна. Повеќето
од Христијаните нема да живеат доволно долго за да го
видат крајот на неволјите. Ако се соочите
со ситуација во која ќе се бара да го положите животот,
знајте дека краткиот момент на болка ќе биде ништо во споредба
со задоволствата во вечноста и присуството во Божјата
слава. Не е важно дали вашето тело ќе умре или
не. Само продолжете да го фалите и да му заблагодарувате на
Бог за спасувањето на вашата душа и што ќе ви даде вечен
живот на небото (Рајот). Небото е местото каде
што има реален живот. Вие ќе ја поминете вечноста на
небото.
Матеј 10:22 И ќе
бидете намразени од сите заради Моето име; но, кој претрпи до крај, тој ќе биде
спасен.
Вие нема
да бидете во можност да пазарите слободно како сега. Веројатно ќе треба
да живеете доста примитивно доколку не сте го
примиле жигот на ѕверот. Без електрична енергија
или вода или многу луксуз, на кој до сега сте
навикнале. Како да издржите?
Можете
и сега, но особено веднаш по чинот на вознесувањето, почнете да собирате колку
можете повеќе храна, вода, лекови, антибиотици, алатки,
свеќи, облека, чевли, ќебиња, дрва за
огрев и Библијата,- и кријте се, во пештери,
планини... Ако останете меѓу луѓето, а го немате жигот на
ѕверот, ќе бидете убиени, заклани. Сепак, знајте дека и
ако се сокриете некаде далеку, се уште ќе има
веројатност да бидете убиени од луѓето, од природни
катастрофи или смртоносна болест. Најдете такво засолниште,
кај што ќе нема инсекти, како комарци, ниту ќе ве најдат
некои диви животни. Ќе мора да имате огромно
количество храна и вода, која ќе трае без да се
расипе, како грав, ориз, мед, суви зрнести плодови, (ореви,
лешници), конзерви храна.
Ќе
треба да се снабдете со оган за
готвење и за затоплување во текот на зимата. Ќе ви
требаат работи за да го одржувате вашето скривалиште чисто
и здраво, за бактериите да не ве
убијат. Земете многу намирници како за кампување.
Чувајте календар. Никако не излегувајте на откриен
простор од било која причина. Може ќе биде најдобро да
не слушате радио или било какви вести од светот, затоа што
тоа ќе предизвика лесно да бидете измамени од сите лаги што
ќе бидат кажани. Сатаната е мајстор за измами
и лаги.
Библијата вели
дека многумина ќе дојдат и ќе речат
дека се Исус. Исус нема да се врати на земјата до
крајот на 7 годишниот период страдања (почнувајќи
од денот на Вознесувањето на Христовата Црква), по што ќе се појави
на битката кај Армагедон. Антихристот и лажниот
пророк ќе бидат тука залажувајќи ги луѓето и убивајќи
ги оние кои ќе одбијат да ги обожуваат нив. Не верувајте
во нивните лаги.
Не откажувајте се
од надежта. Не комуницирајте
со никого. НЕ ПРИФАЌАЈТЕ го бројот на ѕверот, кој е
претставен како 666! Сега звучи таинствено, но тогаш веќе се
ќе ви биде јасно. Кријте се, молете се и чекајте Исус да се
врати.
Знам дека сето ова звучи неверојатно и екстремно. Нo и страдањата
ќе бидат такви – неверојатни и екстремни. Затоа, ако досега не сте го прифатиле
Исус Христос за свој Господ и Спасител, а сега сте подготвен /подготвена, треба
искрено и од срце да ја кажете оваа молитва:
"Сакан
Мој Господе Исусе,
Верувам
дека си Божји Син. Верувам дека дојде на Земјата пред
повеќе од 2000 години. Верувам дека умре за мене на крстот
и ја пролеа Крвта за јас да се спасам. Верувам
дека воскресна од мртвите и се вознесе небото. Верувам
дека ќе се вратиш повторно на земјата. Сакан
мој Исусе, јас сум грешник. Прости ми ги
гревовите. Очисти ме сега со Твојата
скапоцена Крв. Влези во моето срце. Спаси ја мојата душа,
веднаш, во овој момент. Ти го предавам мојот живот. Те
прифаќам сега како мој Спасител, мој Господ и мој Бог. Јас
сум твој/а засекогаш, и ќе те слушам и следам остатокот од
мојот живот. Од овој момент па натаму, јас ти припаѓам само
на Тебе. Веќе не припаѓам на овој свет, ниту
на непријателот на мојата душа. Јас ти припаѓам на
тебе, и јас сум сега роден/а повторно. Во Името
на Исус, Амин! "
Ако немате Библија,
купете си ја што побрзо, бидејќи во тоа време ќе биде забранета. Сигурно ќе
бидат забранети и интернет линкови со прашања поврзани за верата во Исус
Христос. Задолжително започнете со читање на Библијата - Тоа е Божјата порака
преку која ќе почувствувате дека Бог директно зборува со вас!
(Овој текст е ажуриран повеќе пати, заради вметнување на актуелни настани, во контекст на знаците на Исусовото Доаѓање.)
